إسعاد يونس عن ”الاختيار 3”: قصة حياتي – E3lam.Com – فن

05/01 02:20

أعربت الفنانة إسعاد يونس عن سعادتها بالمشاركة في مسلسل ”الاختيار 3”، من خلال تجسيدها لشخصية الدكتورة إيناس عبد الدايم، وقت توليها منصب رئيس دار الأوبرا المصرية خلال فترة حكم جماعة الإخوان.

قالت ”يونس” خلال حلولها ضيفة على برنامج “ستوديو 9090” مع الإعلامية فاطمة مصطفى، على راديو 9090: ”كلموني قبلها بيوم تقريبا، قالولي في دور عبارة عن مشهد في (الاختيار 3)، فنزلت فورا وأنا مش عارفة ايه اللي هيحصل”.

أضافت: ”لما روحت لقيته دور الوزيرة إيناس عبد الدايم، وأنا دايما بقول إن (الاختيار) إحنا نعتبر أبطاله لأننا عشنا كل أحداثه، فأنا طرف بالذات في المشهد بتاع الدكتورة إيناس عبد الدايم لأن بعد كده هي أُقيلت، واحنا كلنا توجهنا بسرعة إلى وزارة الثقافة واعتصمنا هناك ومنعنا دخول الوزير ده، وماحطش رجله في الوزارة لحد 30 يونيو، فدي أحداث عشتها ساعة بساعة”.

كما أشادت الفنانة إسعاد يونس بمسلسل ”الاختيار 3”، وبدور كل الفنانين الذين شاركوا فيه ، معلقة: ”ياسر جلال رائع الحقيقة وأتقن الشخصية تماما، وما ننساش خالد الصاوي طبعا، وصبري فواز كان مفاجأة مذهلة، ومسلسل الاختيار بالنسبالي هو قصة حياتي، وشوية الحاجات اللي حصلت دي أنا طرف فيها فأنا متحيزة للمسلسل ده شوية”.

وعن أكثر اللحظات التي استوقفت ”يونس” خلال متابعتها للمسلسل قالت: ”مفيش ملمح في الاختيار ممسنيش، خصوصا إن الجيل بتاعي جيل عاشر السبيعنيات والتمانينات كويس أوي، والإرهاب كان عامل إزاي وقتها، والشوقيون، والشيخ الدهبي، كل الحاجات دي إحنا عشناها بتفاصيلها، ولما يكون فنان هيجسد شخصية في مسلسل زي ده هيكون التماس في منطقة إزاي كانوا بيتسلسلوا في كل حاجة حتى بين الفنانين”.

مسلسل “الاختيار 3” بطولة الفنان أحمد السقا والفنان كريم عبد العزيز، والفنان أحمد عز، وينافس في السباق الرمضاني لعام 2022، من إخراج بيتر ميمي، وسيناريو هاني سرحان، وإنتاج سينرجي.

تدور أحداث المسلسل في الفترة الحالية، ويتحدث عن بطولات رجال الشرطة والجيش المصري والمخابرات الوطنية والعسكرية، في الفترة من ثورة 30 يونيو وما تلاها، ومأخوذ من أحداث حقيقة، المسلسل من أعمال الشركة المتحدة للخدمات الإعلامية، وتشارك في السباق الرمضاني بـ 14 مسلسلًا.