«سامية».. محمد عطية يثير الجدل بـ «التاتو رقم 4».. ويكشف عن هوية صاحبته.. والجمهور يهاجمه: «متقولش عادي على حاجة بتعملها حرام»

الموجز  

حالة من الجدل أثارها الفنان والمطرب محمد عطية بعد إعلانه عن “تاتو” جديد يحمل إسم والدته، معرباً عن سعادته وحبه الشديد لها.

وعبر حسابه الشخصي بموقع “انستجرام”، نشر عطية صورة له موضحًا خلالها عدد الوشوم التي حصل عليها.

وكتب عطية تعليقاً على الصورة قائلاً: “إمبارح عملت رابع تاتو ف جسمي.. أكتر تاتو كان نفسي أعمله.. سامية اسم أمي.. أهم شخص ف حياتي والإنسانة الوحيدة اللي تستاهل يكون اسمها على جسمي ما يطلعش منه.. أمي هي أقرب صديق ليا.. بتعرف تتقبلني مع كل تغيير بيحصل في تفكيري وف حياتي حتى لو مش متناسب مع أفكارها وتقاليدها وعادتها.”

وأضاف: “أمي عرفت تعمل اللي أغلب الناس في مجتمعنا فشلوا يعملوه.. قدرت تفهم مقولة من أكتر المقولات اللي صعب الناس تعرف تطبقها وهي لا تربوا أولادكم كما رباكم آباؤكم، فقد خلقوا لزمان غير زمانكم.. أمي عارفة كل أسراري وملجأ ليا في أي أزمة.”

وتابع عطية: “مهما كبرت بفضل ضعيف من غيرها.. أي حاجة وصلتلها وأي حاجة قدرت أحققها هي كانت سبب مباشر فيها.. أمي هي الشخص اللي فضل مؤمن بيا حتى في الوقت اللي أنا فيه فقدت الأمل والثقة في نفسي.. أول مكالمة تليفون لأي شغل بيجيلي بتكون ليها.. الدعوة اللي بتدعيهالي في أخر كل مكالمة قادرة تحول أي مشكلة أو هم لشيء سهل وبسيط.. سامية أكتر حد فاهمني ومستحملني بكل عيوبي وأخطائي.”

صورة ومنشور محمد عطية أثار استغراب العديد من متابعيه، حيث أعرب البعض عن سخطه من تفاخر عطية بالوشوم على جسده.

وكتب أحد المتابعين لعطية تعليقاً قال فيه: “أنت حر أولًا وأخيرًا بس متقولش عادي على حاجة بتعملها حرام قول متعملوهاش وادعولي بالهدايا بس كده لكن المجاهرة بالذنب أقبح من الذنب نفسه، كلنا بنغلط بس مش بنقول عادي نغلط ونفتخر قدام الناس ربنا يهديك ويهديني ويهدينا جميعا.”

ورد عطية على التعليق قائلًا: “لا أنا بقول اللي بعمله ومش بداریه وفخور بیه ومتحمل نتيجة أفعالي.. ما حدش بيشيل ذنب حد.”

كما علّقت أخرى قائلة: “أنا بحترمك ودي حريتك بس يا ريت حتى لو بتعمل حاجة ماتقولش عادي عليها ما دام عارف أنها حرام وعلى فكرة بلاش تدينا فكرة إن الممثلين كلهم بتفكيرك لأن بجد فيه ناس محترمة كتير وأنت منهم، وأنا بجد من زمان من وأنا طفلة بتابعك وطول عمرك تضحكني ومثال لأي فنان ماعملش فن خادش للحياء، فا یاریت تكون حلو للآخر لأن العبرة بالنهاية لأنها مش روشنة إنك تغيظنا وتقول عادي لمجرد أن ده تفكيرك، وربنا يوفقك يارب في كل حياتك ويحفظ والدتك.”

ورد المطرب على التعليق السابق قائلاً: “أنا ما بحبش أتدخل في حياة حد ولا أحب حد يتدخل في حياتي.. المعجب في مجتمعنا عاوز الفنان يمشي على أفکاره وتقالیده یا إما يبقى مش معجب ويبقى الفنان مش مرن.. يعني اللي فوق ما بيحبوش ممثلين أجانب؟؟ بس إزاي إحنا لازم نقرف بعض ونحط مناخيرنا في حياة بعض.”