- الإعلانات -

- الإعلانات -

لطفي زيتون: ما فهموش الشباب !

لطفي زيتون: ما فهموش الشباب !

يرى القيادي السابق في حركة النهضة لطفي زيتون أن هناك ربط في الخطاب السياسي بين الفقر والشباب ” ديما يتحدثوا عن الفقر، التشغيل والطعام للشباب التونسي وكأنّه أقصى طموحاته.

لطفي زيتون: ما فهموش الشباب !

وتابع زيتون في تدوينة على صفحته “لم يفهموا الشباب، لم يفهموا أن الشباب التونسي يحبّ يحلم بالثروة والتميز مش فقط بالخروج من الفقر، يحبّ يتملك في بلادو يلقى الفرص بش يستثمر يعمل فلوس.لم يسمعوا الأغاني الي تعبّر على واقعهم ومطالبهم الناس تحكي على الطرق الممكنة من أجل تحقيق الحلم والجماعة يبحثو كيفاش يدخلوهم خماسة في منظومة المحظوظين.

وأضاف “الشباب التونسي قاعد يتغيّر، قاعد يقلّع في الفرص من العدم وفي نفس الوقت يشوف في الاقتصاد والقوانين مكتفاتو وماتخلّيهش يتنفّس.. الشباب التونسي قاعد يبعد على الوسائل التقليدية في كل المجالات ونشوفوا اليوم في شركات ناشئة ولّات قيمتها بملايين الدولارات طلعت من تونس وبدات تلقى في ثنيتها في العالم في السياحة، الذكاء الاصطناعي، الكودينغ والرعاية الصحيّة.

شباب في المناطق الداخلية في بعض الأحيان يعيش فوق كنوز فلاحية وسياحية لكن الدولة والقوانين البالية تخلّيه مكبّل الأيدي.مئات المليارات من المانحين الدوليين ألي ما تصرفتش تنجّم تصنع من تونس تنّين اقتصادي في سنوات.علاقتنا التاريخية مع الجارة ليبيا تنّجم تصنع مستقبل مشرق للمنطقة بعيدا عن منطق الغنيمة وفي إطار برنامج عمل مشترك قائم على المصالح المشتركة والعلاقات الوطيدة بين الشعبين.

وقال زيتون أيضا “تونس تعيش في مفترق طرق، موت سيستام اقتصادي قديم وولادة تونس جديدة تخلق ثروة في مختلف المجالات بدونmonopole بأكثر عدل وأكثر فرص.كل هذا ما يجي كان بطبقة سياسية جديدة تحط المواطن في قلب العملية السياسية وتعاود تسرح المصعد الاجتماعي وتخلي الثروة تستأنف دورتها ببرنامج جريء يحطّم كل القيود من اجل خلق ثروة وتقطع مع الطبقة السياسية البالية اللي فشلت وضيعت البلاد والشباب وتحب تتدارك بسرقة بعض الافكار وتنزيلها بشكل مشوه.

وختم بالقول”شبابنا ليس بالسذاجة الي يتعامل بيها الساسة والدولة معهم، شبابنا هو ذهبها وبترولها ومستقبلها.

قاعد كل يوم ينتصر على الفقر والجهل والبطالة والتهميش والفوضى هو اللي باش يخلي الأمة التونسية تكون واقع مش حلمة” حسب تعبيره.

#لطفي #زيتون #ما #فهموش #الشباب

تابعوا Tunisactus على Google News

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد