سبب توقف سلاف فواخرجي عن تقديم أعمال فنية في مصر – E3lam.Com – فن

قالت الفنانة السورية سلاف فواخرجي، إنها متشوقة كثيرا لتقديم أعمال للجمهور المصري، لافتة: “متعطشة جدا أرجع أشتغل في مصر“.

أضافت “فواخرجي“ خلال مداخلة عبر “Zoom“، على شاشة ”cbc”، مع الإعلامي عمرو خليل، في برنامج ”من مصر”، أن هناك أسباب كثيرة كانت تمنعها من العمل في مصر خلال الفترة الماضية، ومنها تصوير عدة أعمال في سوريا، لافتة إلى أنه لايوجد فنان عربي يستطيع أن ينكر ما تتمتع به مصر من جاذبية وأضواء.

تابعت: “بخاف كتير من ذوق الشعب المصري لأنه شعب ذواق للفن جدا، وهو أهل وتاريخ الفن فأكيد لما باجي عمل في مصر لازم أكون أد ثقتهم ومحبتهم ودي نعمة من ربنا إن المصريين حبوني فأنا بخاف على المحبة دي“.

أردفت: “بكون دقيقه وحذره لما باجي اختار عمل يليق بالناس، وبتمنى من كل قلبي فعلا أقدم عمل بس يكون الظرف مناسب.. أنا كل الوقت بفكر إزاي أكون موجودة في مصر وحتى الآن في تواصل مع زملائي في مصر، وأنا لما بشتغل بحب أشتغل حاجة مهمة ومع ناس بحبهم ويفهموني وأفهمهم“.

أكملت: “كل الناس في مصر بتبعتلي تطمن عليا وبيقولوا لي ارجعي يلا ويمكن أكتر حد في تواصل معاه هو الفنان الكبير ياسر جلال، دايما بيصر عليا وبيقولي أتأخرتي على المصريين يلا ارجعي“.

استطردت: “بتمنى على المستوى العام السلام لبلادنا والاستقرار ونعيش فيها كويس وتكون بلادنا أحسن البلاد وتعمر بالبشر والحجر وتفضل تكبر وتكبر لأن بلادنا تستاهل واحنا كمان نستاهل، وأهم شيء هو المحبة والأمان“.