ما الذي حدث اليوم في برنامج زينة الزيدي في شمس أف أم – Tunisie Telegraph

كشف المحامي أنيس بوغطاس مساء اليوم عبر تدوينة له بصفحته بالفايس بوك عن أسباب ابعاده عن برنامج استوديو شمس الذي تنشطه الصحفية زينة الزيدي . وقال ان الأمر يعود الى تعرضه الى قضية الكرامة القابضة

خلال الأسبوع الماضي .

واليوم وقبل دقائق من انطلاق الحصة في موعدها اليومي طلب منه أن يغادر الاستوديو مما حدا بكل من الصحفية أمال بلحاج علي والمحامي عماد بن حليمة من الانسحاب تضامنا مع الأستاذ بوغطاس .

وفي ما يلي تفاصيل ما حدث يرويه السيد أنيس بوغطاس :

“المفيد كيما تعرفو كنت نحضر في إذاعة شمس تحديدا ببرنامج استوديو شمس مع المنشطة زينة الزيدي و الرائعة آمال و عماد و باسل الحقيقة كنا نحكيو في كل شيء بكل حرية و نعبرو على مواقفنا كل واحد من الزاوية الي يراها.

المفيد الجمعة الي فاتت تجبد موضوع الكرامة القابضة و إيقاف المدير العام و في تعليقي على الموضوع أكدت انو الكرامة القابضة موش فوق القانون اما لجنة التصرف في الاملاك المصادرة هي واقعا و قانونا صاحبة القرار في التفريط في الشركات المصادرة و كان فما اخلال او فساد يجب أن يشمل التتبع الجميع دون تفرقة.

اليوم مشيت للإذاعة عيطلي المفوض يعني المسؤول الاداري على التسيير الراجل وجهو اصفر مفجوع قتلو ماهو لاباس قلي سامحني أستاذ بربي سامحني راني كليت على راسي و برشا ضغط و جاتني تعليمات و قريب يدوخ قتلو اشفما احكي برك قلي ما كاركش جبدت على لجنة التصرف ماك تعرف تابعة وزارة المالية و عيش خويا هاني قلت للمنشطة تعلمك انو ماعادش تنجم تحضر….

المفيد ضحكت راجل كبير و خواف و قريب يدوخ قتلو يا مسؤول ايجا نقلك حاجة اولا نجي متطوع لا فرنك لا دورو ثانيا نجي على خاطر زينة الزيدي و آمال و عماد ثالثا مسكينة تونس الي مزالت فيها عباد شادة مسؤولية كيفك و كيف الي عطاوك التعليمات هاذي .

رئيس الجمهورية كيف كل مرة يحكي على المسؤولين و الموظفين الي خلاوها البلاد ماهوش يلعب يعرف شفما في الإدارة.

في النهاية المحاسبة جاية لكل إنسان أفسد في حق البلاد هاذي سواء حاولتم إقصاء او تنفيذ تعليمات أو إخفاء الحقيقة لا بد أن تحاسبوا.

#ما #الذي #حدث #اليوم #في #برنامج #زينة #الزيدي #في #شمس #أف #أم #Tunisie #Telegraph

تابعوا Tunisactus على Google News